Ҳамза Ўзтуркчу
ЧЎЛПОН ЁХУД АКССАДО
Нур-ёғдулар сочилади
кўзларингиздан
Кўзларингиз –
сизнинг икки юлдузингиз.
Кўкдан қуёш сочар
зиёсини
заррин
ва майин…
Нурдай тиниқ
сўздай илиқ
жўшар қалбда
Мухаббатим…
Сиз асли мендасиз
борингиз билан
Кўзларим сиз учун маъво бепоён.
Кўзларимга маскун
кўзларингизга
мафтунман, эркам.
Мажнунман, эркам.
шошилманг, эркам!
Тушларимда топдим-ку, сизни.
Тушларимда…
Сизни фақат
кулранг либос ичра кўрдим.
Қўлингизда пушти соябон.
Мандаринзорда югурар эдингиз
завқу шавқ ила
болалар каби қўшиқлар айтиб
қувончдан жўшиб
дилларни доғлаб чопар эдингиз…
Кулгулар учар қушлар мисоли
Боғда кезасиз оҳулар каби
қўлларингизда
маъсум мойчечак…
Севгимни, эркам, мойчекчак айтсин.
Юрак розимни
муҳаббатимни
сизга сўйласин.
Гар фол очсангиз, чиқиши тайин:
Севар у
Севар у
Севар у…
Ҳар кишининг дунёда
Фонуси — чўлпони бор.
Чўлпон асли мендадир
Кўнглимдадир, дилдадир.
Кумуш мисол ёрқиной
Ёғдулари маъсумой…
Мунгли қушим
Умидим…
Ойим
Борим
Борлиғим
Ойдан ошиқ
Офтобим…
Осмондаги чўлпоним
ёруғим
беғуборим
қалбимнинг ҳур садоси…
Етиб боргай самога
билмам сизга боргайми
дилдан чиққан изҳорим
нафасим, сирим, иқрорим…
Чўлпоним…
***
Cho’lpon yoxud Akssado
Nur-yog’dular sochiladi
ko’zlaringizdan
Ko’zlaringiz –
sizning ikki yulduzingizdan.
Ko’kdan quyosh sochar
ziyosini
zarrin
va mayin…
Nurday tiniq
so’zday iliq
jo’shar qalbda
Muxabbatim…
Siz asli mendasiz
boringiz bilan
Ko’zlarim siz uchun ma’vo bepoyon.
Ko’zlarimga maskun
ko’zlaringizga
maftunman, erkam.
Majnunman, erkam.
shoshilmang, erkam!
Tushlarimda topdim-ku, sizni.
Tushlarimda…
Sizni faqat
kulrang libos ichra ko’rdim.
Qo’lingizda pushti soyabon.
Mandarinzorda yugurar edingiz
zavqu shavq ila
bolalar kabi qo’shiqlar aytib
quvonchdan jo’shib
dillarni dog’lab chopar edingiz…
Kulgular uchar qushlar misoli
Bog’da kezasiz ohular kabi
qo’llaringizda
ma’sum moychechak…
Sevgimni, erkam, moychekchak aytsin.
Yurak rozimni
muhabbatimni
sizga so’ylasin.
Gar fol ochsangiz, chiqishi tayin:
Sevar u
Sevar u
Sevar u…
Har kishining dunyoda
Fonusi — cho’lponi bor.
Cho’lpon asli mendadir
Ko’nglimdadir, dildadir.
Kumush misol yorqinoy
Yog’dulari ma’sumoy…
Mungli qushim
Umidim…
Oyim
Borim
Borlig’im
Oydan oshiq
Oftobim…
Osmondagi cho’lponim
yorug’im
beg’uborim
qalbimning hur sadosi…
Yetib borgay samoga
bilmam sizga borgaymi
dildan chiqqan izhorim
nafasim, sirim, iqrorim…
Cho’lponim…