зиддият

Ҳаёт ҳеч қачон бир текис кечмаган. Ҳамфикр, ҳаммаслак бўлиш, тушуниш ва кечиримлилик билан бирга зиддият, келишмовчилик, низо ва можаро ёнма-ён юради. Бу ҳаёт қонуни. Жамият ривожида ҳамма вақт ана шу можароли вазиятларда низолашувчи тарафларга имкон қадар тенг фойдали ечим топадиган холис музокарага эҳтиёж сезилган.

Ҳаётимизнинг ҳар бир жабҳасида қандайдир зиддиятли вазиятларга дуч келамиз. Баъзан вазиятни чигаллаштирамиз, баъзида эса муросага интиламиз…

Медиация шундай жараёнки, унда учинчи томон (медиатор) бетараф позицияда бўлиб, икки томоннинг ихтиёрий розилиги асосида улар ўртасидаги зиддиятни бартараф қилишга ёрдам беради.