Тошкент шаҳрининг Мирзо Улуғбек тумани, Феруза даҳасидаги 8-уй ва бошқа уйлар оралиғидаги дарахтзордан иборат болалар майдони ва аҳоли дам олиш жойи фуқароларнинг норозилигига қарамай аукцион савдога қўйилган ва «PREMIUM ENGINERING GROUP» МЧЖ томонидан меҳмонхона қуриш мақсадида сотиб олинган. Бу ҳақда депутат Расул Кушербоев ижтимоий тармоқдаги саҳифаси орқали хабар қилди.
«Аҳоли кўп йиллик манзарали дарахтлар кесилиши ва кўп қаватли уйлари оралиғи диққинафас тор жойга айлантирилишидан норози.
Масъуллар табиатни асраш йўлидан бормай, халқ фикрини инобатга олмагач, оҳири одамлар ўзлари ҳудудни ҳимоя қилишга ўтишди. Улар «Яланғач биринчи коммунал» уй жой мулкдорлари ширкати орқали ерни аукционга қўйган ташкилотчилар ва дарахт кесишга чоғланган тадбиркорлик субъектини судга берибди.
Кўрамиз, дарахт кесишга мораторий жорий қилинган бир вақтда ушбу дарахтлар тақдири нима бўларкин?
Нима бўлганда ҳам халқ фикрини бир тийинга олмай, фақат «соққа»ни ўйлайдиган масъулларимиз бор бўлсин, яшанглар!!!
Ҳокимиятга эса гап йўқ!» – дея ёзмоқда Кушербоев.
Ўхшаш хабарлар
-
Toshkentda Ozarbayjon va O‘zbekiston adabiy-madaniy aloqalariga bag‘ishlangan nashrlar taqdimoti bo‘lib o‘tdi
-
Астраханда Алишер Навоийнинг 585 йиллиги кенг нишонланди
-
Россияда 10 ёшли тожикистонлик бола пичоқлаб ўлдирилди
-
Ўзбекистон ҳудудидан қадимий «темир шаҳар» излари топилдими?
-
Овқатдан заҳарланиш диққат марказига чиқди