Мазкур тадқиқот антибиотикларнинг янги турлари яратилишига ҳамда ҳозирда мавжуд антибиотикларга чидамли бўлиб қолган инфекцияларга қарши супербактериялар ишлаб чиқарилишга асос бўлиши мумкин.
Маълум бўлишича танамиздаги “кераксиз” оқсилларни чиқариб ташлайдиган ҳужайраларнинг бир қисми “сирли” режимда ишлайди ва зарарли бактерияларни ўлдирувчи кимёвий моддаларни ишлаб чиқаради.
Булар протеазома ҳужайрали тузилма бўлиб, оқсилларни майда бўлакларга бўлиб, қайта ишлаши мумкин.
Тажрибалар шуни кўрсатдики, протеазома ҳужайра бактериядан зарарланганини аниқлайди ва ўз тузилишини ўзгартира олади. У эски оқсилларни бактериялар ташқи қобиғини ёриб, нобуд қиладиган қуролга айлантиради.
«Биз илгари бундай бўлиши мумкинлигини билмаган эдик», – дейди Вейцманн институти профессори Ифат Мербле. “Биз иммунитет тизимининг янги механизмини кашф қилдик, бу бизга бактериал инфекциялардан ўзимизни ҳимоя қилиш имконини беради. Бу потенциал табиий антибиотикларнинг бутун синфини яратишга туртки беради”.
Антибиотикларга турғун бактериалар оқибатида дунёда ҳар йили минглаб инсонлар вафот этади. Олимларнинг фикрича ушбу кашфиёт фонида янгича антибиотиклар ишлаб чиқилса касалликларни даволаш ва умрни узайтириш даражаси янги босқичга кўтарилиши мумкин. Аммо тамоман янгича антибиотиклар кашф этилиши учун ҳали вақт керак бўлади, дейишмоқда улар.