Янгиликлар

Сайёҳлар миллий таомларимизни тайёрлаш сирларини ўрганмоқда

Ўзбекистонга келган сайёҳлар нафақат ўзбек миллий таомларини татиб кўришга, балки уларни ўз қўллари билан тайёрлашга ҳам жуда қизиқишади.

manzur.uz / 24.05.2019     1 472

Тошкент шаҳар ҳокимлиги ва Тошкент шаҳар туризмни ривожлантириш департаменти томонидан гастрономик туризмни кенг тарғиб қилиш мақсадида польшалик 52 нафар сайёҳ учун ўзбек миллий таомларини тайёрлаш бўйича маҳорат дарси ташкил этилди.

Ўзбекистонга келган туристларни юртимизнинг қуёшли кунлари, гўзал табиати, тарихий масканлари, муқаддас қадамжолари, замонавий ва миллий архитектура обидалари, шунингдек, меҳмондўст халқимиз ва такрорланмас таъмга эга таомларимиз мафтун этади. Улар нафақат ўзбек миллий таомларини татиб кўришга, балки уларни ўз қўллари билан тайёрлашга ҳам жуда қизиқишади. Ўзбекистоннинг турли манзилгоҳларида бўлган сайёҳлар албатта буни фотоларга муҳрлашади, турли ҳудудларга хос эсдалик совғаларини харид қилишади ва кўп ҳолларда миллий таомларимизни ўрганиш ниятлари борлигини маълум қилишади.
Гастрономик туризм айни шундай сайёҳлар учун мўлжалланган хизмат туридир. “Боғи эрам” дам олиш масканининг Мастер-класс марказида ўтказилган маҳорат дарсида польшалик туристлар ўзбек миллий таомларидан ош, шўрва, сомса ва турли салатларни маромига етказиб тайёрлаш жараёнида бевосита иштирок этишди. Тадбир давомида меҳмонлар ўзбек таомномаси ҳақида тўлиқ маълумот олишди ҳамда масаллиқларни танлаш, тайёрлаш, умуман пазандалик санъати бўйича етарли билим ва кўникмага эга бўлишди.
Kalit so`zlar: , ,

Ўхшаш хабарлар