Москвадаги гўзаллик танловида «Лазги»га ўйнаб берган ўзбекистонлик қиз ғалаба қозонди

Россия пойтахти Москва шаҳрида муҳожир қизлар ўртасида гўзаллик танлови бўлиб ўтди. Ғалабани ўзбекистонлик Рушана Каримова қўлга киритди. Бу ҳақда “Спутник” нашри хабар берди.

Қайд этилишича, ғолиб финалда лазги рақсини ижро этиб, ҳакамлар ҳайъатини лол қолдирган. Соврин сифатида у Москва молия ва ҳуқуқ университетида (МФЮА) ўқиш учун сертификат олган.

Маълум қилинишича, Рушана Каримова бизнес билан шуғулланади, бўш вақтини визажистикага сарфлайди. Бундан ташқари, у инглиз тилини ўрганмоқда, шунинг учун тадбир сўнггида нутқининг бир қисмини чет тилида талаффуз қилган.

Тадбир Россиядаги муҳожирлар федерацияси томонидан ташкил этилган. Унда 13 давлатдан келган 50 нафар қиз қатнашган. Бироқ финалгача Тожикистон, Қирғизистон, Туркманистон, Ўзбекистон ва Россия вилоятларидан келган 10 нафар қиз етиб борган.

Диққат! Агар сиз сайтда хатоликларни аниқласангиз, уларни белгилаб Ctrl+Enterтугмасини босинг.

Сообщить об опечатке

Текст, который будет отправлен нашим редакторам: