Буюк ипак йўли

Марғилон азалдан ҳунармандчилик тараққий топган, қўл меҳнати асосида яратилган тўқимачилик ҳамда кулолчилик маҳсулотларини етказиб берувчи марказ саналади. Бу ерга халқ амалий санъати намуналарини кўриб баҳра олиш учун ҳар йили минглаб сайёҳлар ташриф буюради. Ўйлаймизки, бу йил илк бор ўтказилган «Буюк ипак йўли» халқаро фольклор фестивали ҳам келгусида анъанавийлик касб этиб, халқаро маданий алоқаларни мустаҳкамловчи бир ажиб шодиёнага айланади.