Ёғсиз гўшт
Парҳезшуносларининг фикрича, таомни ёғсиз гўштдан тайёрлаш керак. Дўкондан таркибида ёғ 10 гр кўп бўлмаган гўшт харид қилиш зарур. Овқат пишириш жараёнида эса ундаги ёғли бўлакни кесиб олиб ташлаш мақсадга мувофиқ. Аммо ҳаммамиз ҳам бундай қилмаймиз.
Курка гўшти
Курка гўштида юрак, ҳазм жараёни, мия фаолияти умуман организм учун керакли бўлган барча моддалар мавжуд. Курканинг сони бошқа қисмларига нисбатан ёғли бўлишига қарамай, фойдалидир ва темир моддасининг кони саналади.
Товуқ гўшти
Тадқиқотларда товуқ гўшти вазнни меъёрда бўлиши ва киши ўзини яхши ҳис қилишида муҳим роль ўйнаши аниқланган. Оқ товуқ гўшти фосфор ва рибофлавиннинг, қизили эса рух моддасининг кони.
Ёғсиз мол гўшти
Мол гўшти оқсил ва озуқа моддаларининг манбаи. Агар унинг янги сўйилгани ва музлатилмагани танланса, антиоксидант ва E витамининг кони ҳамдир. Аммо кўмирда пиширилган гўштни, масалан шашликни кўп истеъмол қилмаган маъқул. Чунки бу саратон хавфи ривожланишига олиб келиши мумкин.
Зарарли гўштлар
Қайта ишланган гўшт маҳсулотлари
Сосиска, колбаса сингари қайта ишланган гўшт маҳсулотларидан воз кечиш, ҳеч бўлмаса тийилишни билиш керак. Тадқиқотларда натрий ва тўйинган ёғларга бой бўлган ушбу маҳсулотларнинг йўғон ичак саратонини келтириб чиқариши маълум бўлган. Катта миқдордаги натрий юрак касалликлари, қандли диабет ва инсульт хавфини кўпайтиради.
Ёғли гўшт
Ёғли гўшт холестерин миқдорини ошириб, юрак-қон томир касалликлари хавфини ривожлантиради. Товуқ гўштининг териси ва болдири ҳамда ресторанлардаги стейклар ҳам ёғли ҳисобланади. Ушбу маълумотларни эсда сақланг ва соғлигингизни асранг.